Kuvendi pa rezolutë për bisedime

Kuvendi i Kosovës ka vendosur sot me 60 vota për e 45 kundër, që grupet parlamentare të përgatisin një rezolutë, të bazuar mbi qëndrimin e Qeverisë të paraqitur nga kryeministri Hashim Thaçi

Pas një debati disaorësh me kundërshtime të shumta Kuvendi nuk arriti të nxjerrë ndonjë rezolutë për bisedime, përderisa kryeministri Thaçi ka ftuar deputetet që të nxjerrin konkluzionet e tyre në mënyrë që t’i  kontribuojnë procesit të bisedimeve me Serbinë.

Thaçi ka rikujtuar që përgatitjet për bisedime kanë filluar që para një viti, ndërsa tha se ato do të fillojnë së shpejti, por ka kërkuar nga opozita që të jetë pjesë e grupeve punuese dhe bisedimet të përfundojnë me sukses, në mënyrë që ky të jetë një sukses i përbashkët.

Në fund të debatit në Kuvend është arritur pajtueshmëria që draft-rezoluta e paraqitur nga PDK-ja, një draft-rezolutë nga Vetëvendosja dhe nga qëndrimet e paraqitura nga kryeministri, do të nxirret një draft-rezolutë e cila do t’i  dorëzohet Kuvendit të enjten.

Ndërkohë pritet që nesër në Bruksel të fillojnë bisedimet e para të drejtpërdrejta, pas shpalljes së pavarësisë së Kosovës, midis Prishtinës dhe Beogradit me mbikëqyrje të përfaqësuesve të BE-së