Micheline Calmy-Rey uroi ministrin Enver Hoxhaj

Ambasadorin e Zvicrës në Kosovë, Lukas Beglinger me rastin e zgjedhjes ministër i Punë të Jashtme, ia ka ka përcjell sot Enver  Hoxhajt përgëzimet e shtetit, popullit dhe të presidentes, njëkohësisht ministres së Punëve të Jashtme, Micheline Calmy-Rey.

Gjatë takimit me ambasadorin Beglinger, ministri Hoxhaj e ka falënderuar shtetin e Zvicrës për ndihmën tradicionale që ka dhënë ky shtet popullit të Republikës së Kosovës.Shefi i ri i diplomacisë kosovare ka thënë ka një traditë të gjatë të marrëdhënieve ndërmjet dy popujve dhe kjo traditë do të forcohet edhe më tej. 

“Ka një traditë të gjatë në marrëdhëniet mes Republikës së Kosovës dhe Zvicrës.  Ky shtet ka ndihmuar Kosovën para dhe pas pavarësisë dhe për këtë do të jemi gjithmonë mirënjohës”, ka thënë Hoxhaj.

Ndërsa ambasadori Beglinger e siguroi ministrin Hoxhaj se Zvicra do të vazhdojë bashkëpunimin me Kosovën edhe në fushën e ekonomisë, tregtisë, kulturës dhe sportit.

“Do të vazhdojmë përkrahjen tonë për Kosovën në shumë fusha. Ne po ashtu u pajtuam që duhet t’i hapim mundësi investimeve të diasporës në Zvicër në zhvillimin e Republikës së Kosovës”, ka thënë ambasadori zviceran