Lirohet Limaj, procedura kundër tij vazhdon

Pa tre orësh të marrjes në pyetje sonte është liruar nga prokurorët e EULEX-it, deputeti në Kuvend dhe nënkryetar i PDK-së, Fatmir Limaj.

Gjatë ditës kundër tij dhe 11 bashkëluftëtarëve të tij të Brigadës 121 të UÇK-së “Komandant Kumanova, kishte fletarrest nën akuzë se kanë kryer krime luftë gjatë vitit 1999 në Kleçkë.

Limaj ishte dorëzuar vullnetarisht para prokurorëve të EULEX-it, të cilët e kanë marrë në pyetje në një objekt jashtë Prishtinës.

Pasi ka dal nga objekti, Limaj, i shoqëruar me avokatin Tomë Gashi, ka thënë se do të bashkëpunojë me EULEX-in lidhur me akuzat e ngritura kundër tij.

Mësohet se për shkak të imunitetit të deputetit, Limajt nuk i është caktuar paraburgim, por procedura kundër tij mbetet e hapur.

Para se të paraqitet në Gjykatën e Qarkut në Prishtinë, Limaj ka zhvilluar një takim sonte me zëvendësshefin e EULEX-it,Andy Sparkes.

Ndërkohë është bërë e ditur se nëntë ish-pjesëtarë të UÇK-së, të arrestuar gjatë ditës iu është caktuar nga një muaj paraburgim.