Zviceranët, 21 kg. djathë për kokë banori

Zvicerani mesatar gjatë vitit 2010 ka ngrënë 21 kilogramë djathë, që është pak më shumë se një vit më parë.

Në vendin e njohur për prodhimin e shumë llojeve të djathërave cilësorë, rreth një e katërta e djathit të ngrënë ka qenë me prejardhje të huaj. Me këtë, importi i djathit është rritur për 5 për qind krahasuar me vitin 2009, bën të ditur televizioni SF.

Rreth një e treta e sasisë së djathit të konsumuar nga zviceranët ka qenë djathë i freskët dhe gjizë.

Ndërsa nga markat e njohura të djathërave zviceranë më së shumti është shtuar konsumimi i djathit të tipit Emmentaler. Ky djathë është konsumuar për një të katërtën më shumë se në vitin pararendës, bëjnë të ditur prodhuesit zviceranë të qumështit dhe djathit.