Zvicra shqyrton shkyqjen nga energjia bërthamore

Qeveria e Zvicrës po shqyrton mundësinë e ndërprerjes së prodhimit të energjisë elektrike nga centralet bërthamore që në qershorin e këtij viti. Këtë hap ajo është duke e ndërmarrë si reagim ndaj avarisë së rëndë që ka ndodhur në centralin bërthamor Fukushima të Japonisë.

Ndërprerja e prodhimit të rrymës elektrike nga energjia bërthamore përmes shkyçjes nga centralet e vjetra është vetëm njëra ndër tri variantet që qeveria ka propozuar të studiohen.

Dy skenarët tjerë parashohin heqjen dorë nga centralet e reja ose të ndërtimit të një ose më shumë centraleve në të ardhmen.

Edhe Parlamenti Nacional, në një sesion të tij të jashtëzakonshëm, do të debatojë lidhur me shkyçjen nga energjia nukleare .