Mbi 13 miliardë subvencione për bujqit

Në periudhën 2014-2017 bujqit zviceranë do të marrin nga shteti, në trajtë subvencionesh 13.7 miliardë franga, ose 176 milionë franga më tepër se në periudhën aktuale.

Këtë vendim e ka marrë dje qeveria e vendit dhe e ka dërguar për miratim në parlament.

Arsyeja për të cilën është marrë ky vendim ka të bëjë me heqjen dorë nga pjesë të programit kursyes të federatës.

Bazuar në këtë vendim, bujqit zviceranë në të ardhmen duhet të prodhojnë sa më shumë ushqim. Ata duhet ta bëjnë këtë duke kursyer sa më shumë resurse dhe duke pasur kujdes që pasojat për mjedisin të jenë sa më të pakëta.