Për pensionet kosovare do të vendosë Gjykata Federale

Departamenti shtetëror zviceran për sigurim social (BSV), nuk do të paguajë pensionet invalidore shfrytësuesve kosovarë. “Vendimi i Gjykatës Administrative Kushtetuese do të shqyrtohet në Gjykatën Federale në Lozanë”, ka deklaruar të enjten për Radion shtetërore zvicerane DRS, zëdhënësi i BSV-së Rolf Camenzind.

Këshilli shtetëror zviceran para një viti e kishte ndërprerë marrëveshjen për sigurim social me Kosovën, ndërsa arsyeja ka qenë kërcënimi i hetuesve zviceranë në lidhje me shfrytëzuesit e rremë të këtyre sigurimeve. Pas përfundimit të narrëveshjes, Zvicra i kishte refuzuar një kosovari me vendbanim në Kosovë, shfrytëzimin e të drejtave për pesnion.

Por, ankesën e tij, Gjykata Administrative Kushtetuese e kishte miratuar ate në dobi të kosovarit. Gjykatësit e kanë argumentuar vendimin e tyre se të gjithë kosovarët që janë me  shtetësi të dyfishtë kosovare-serbe, kanë të drejtë shfrytëzimi të pensioneve, sepse me Serbinë edhe më tej ekziston marrëveshja për sigurim social.

Me këtë, kosovarëve të cilët jetojnë jashtë Zvicrës, nuk duhet tu ndërpritet benificioni i shfrytëzimit të pensionit invalidor për shkak të mungesës së vendbanimit në Zvicër, shkruan e përditshmja zvicerane “Blick”.

Por, këtë BSV-ja dëshiron ta shqyrtojë edhe pranë Gjykatës Federale në Lozanë. Në Kosovë, në ndërkohë shfytëzohen qindra pensione, të cilat nuk janë të cënuara nga kontesti juridik.

Për më tëpër, lexoni po ashtu: Gjykata vendos në favor të shtetasve nga Kosova