Ditë zgjedhjesh në kantonin Lucern dhe Tesinë

Sot, po mbahen zgjedhjet për parlamentet dhe për qeveritë kantonale të Lucernit dhe të Tesinës

Në kantonin e Lucernit, ku tradicionalisht fjalën kryesore e ka pasur partia Kristiane Popullore (CVP) pritet me interes nëse ajo sërish do të mbrojë epërsinë kundrejt partive tjera në parlamentin që përbëhet nga 120 deputetë. Mendohet se SVP mund të hyjë sërish në qeverinë e kantonit ku bënte pjesë në vitet 2005-2007, shkruan në portalin drs.ch.Aktualisht qeverinë e përbëjnë dy përfaqësues nga CVP , një nga FDP, një nga SP dhe një pa parti.Të theksojmë se për zgjedhjet në Parlamentin e Lucernit po kandiodojnë edhe një numër prej rreth 10 shqiptarësh. Ata i gjejmë kryesisht në listat e SP-së por edhe në atë të CVP-së.Ndërkaq në kantonin e Tesinës zgjedhjet e sotme do të tregojnë nëse FDP do të vazhdojë të mbetet partia më e fortë. Kjo, për faktin se atë do ta sfidojë partia Lega dei Ticinesi, e cila synon vendin e dytë të anëtarit të qeverisë, të cilin aktualisht e mban FDP-ja.Në rast se fiton “Lega…” e cila konsiderohet parti konservative, kjo do të ndryshonte imazhin liberal që ka pasur tradicionalisht kantoni i Tesinës.Aktualisht, qeveria e kantonit përbëhet nga 2 përfaqësues të FDP-së dhe nga një të CVP-së, SP-së dhe të “Lega”.Parlamenti i kantonit ka 90 deputetë, për vendet e të cilëve garojnë rreth 680 politikanë.