Ivanoviq: Kosova duhet të heq dorë nga Privatizimi i Trepçës

Anëtari i qeverisë së Serbisë, Oliver Ivanoviq, ka apeluar te përfaqësuesit e institucioneve të Kosovës që të heqin dorë nga privatizimi i paralajmëruar i Trepçës. 

Në një deklaratë për agjencinë Tanjug, Ivanoviq ka thënë se vërehet që institucionet kosovare kohëve të fundit po nguten me lëvizje që, sipas natyrës së tyre, do të jenë objekt i bisedimeve në Bruksel, në mënyrë që kësisoj të krijojnë pozitë më të volitshme negociatore.

Sipas tij, në këtë dritë duhet shikuar edhe privatizimin e paralajmëruar të Trepçës.  “Kjo paraqet krijim të pozitës më të mirë negociuese, por mund të ketë pasoja të dëmshme, pasi çdo lëvizjeje të tillë pala serbe do t’i kundërvihet. Në atmosferën e konfrontimit nuk mund të gjenden zgjidhje të mira”, ka thënë Ivanoviq.