Për rumunët dhe bullgarët, Zvicra “hapet” vetëm më 2014?

Qeveria e Zvicrës do ta shqyrtojë gjendjen në muajin maj, për të nxjerrë një përfundim nëse periudha provuese do të zgjatet ose jo

Marrëveshja për qarkullim të lirë, të cilën Zvicra e ka të nënshkruar me shumicën e vendeve të Bashkimit Evropian, sa u përket anëtareve të reja të BE-s, Rumanisë dhe Bullgarisë mund të shtyhet për dy vjet. Pas fazës provuese, e cila është duke rrjedhur, marrëveshja duhej të hynte në fuqi në qershorin e këtij viti.

Por, siç ka deklaruar një zëdhënëse e Departamentit për çështje policore për gazetën „Sonntag”, Qeveria e Zvicrës do ta shqyrtojë gjendjen në muajin maj, për të nxjerrë një përfundim nëse periudha provuese do të zgjatet ose jo. Në një rast të tillë, kjo periudhë do të vazhdonte edhe dy vite tjera. Ajo ka thënë se, sipas të gjitha gjasave, marrëveshja do të hyjë në fuqi, vetëm në vitin 2014.

Në muajin maj do të hyjë në fuqi marrëveshja për qarkullim të lirë me tetë shtetet tjera të Evroüer Lindore, si Polonia, Hungaria, Çekia etj.