Program artistik me 150 muzikantë të rinj

Gjithsej 163 studentë të muzikës nga Kosova, Shqipëria, Maqedonia, Serbia dhe Gjermania kanë marrë mësime nga profesorë nga Gjermania, Zvicra, Austria, Polonia, Franca, Holanda, Italia, Greqia dhe Turqia në piano, violinë, violë...

Në kuadrin e aktiviteteve të përbashkëta të shoqatës GjakovaBasel, më 16 korrik u prezantua një program i pasur muzikor me 150 muzikantë të rinj. Kjo u bë para një audience entuziastike si dhe të ftuarve nga komuna, disa ambasadave evropiane në Kosovë dhe sponsorëve të tjerë, duke festuar dhe përmbyllur kështu një edicion të suksesshëm të Esma në Gjakovë, thhet në buletinin n r. 13 të shoqatës GjakovaBasel.

Gjithsej 163 studentë të muzikës nga Kosova, Shqipëria, Maqedonia, Serbia dhe Gjermania kanë marrë mësime nga profesorë nga Gjermania, Zvicra, Austria, Polonia, Franca, Holanda, Italia, Greqia dhe Turqia në piano, violinë, violë, violonçel, kontrabas, flaut, klarinetë, korno, operë dhe solo këndim, të shoqëruar nga katër pianistë profesional.

Nxitur nga dëshira e pjesëmarrësve, komunës, audiencës si dhe shumë përkrahësve tjerë, drejtori artistik Desar Sulejmani dhe ekipi realizues i GjakovaBasel do të bëjë të pamundurën që kjo ngjarje muzikore të realizohet sërish në Gjakovë edhe në vitin 2017, duke bërë muzikë së bashku, duke tejkaluar të gjitha kufijtë si dhe mesazhi inkurajues i ESMA të transmetohet nëpër Evropë.