Politikani ekstremist kërkon: T`u ndalen ndihmat sociale të gjithë të huajve!

Strache ka kërkuar që të huajt me qëndrim në Austri, thjesht “Të shlyhen” fare nga e drejta për të marrë ndihma sociale. Ndërsa shefi i partisë tjetër, ÖVP Reinhold Lopatka synon të prishë “parajsën sociale” të Vjenës

Fluksi masiv i refugjatëve që kanë mësyrë dy viteve të fundit ka ngarkuar në mënyrë drastike sistemin social të këtij vendi. Këtë gjendje e proklamojnë me të madhe e pastaj e shfrytëzojnë për qëllimet e tyre politike partitë e djathta, sidomos ajo FPÖ e  Heinz-Christian Strache, e njohur për propagandën kundër të huajve (dhe pro Serbisë!). Kandidati i kësaj partie ka shanse të mira për t`u zgjedhur president i vendit, pas përsëritjes së zgjedhjeve që do të bëhet në vjeshtë.

Strache ka kërkuar që të huajt me qëndrim në Austri, thjesht “Të shlyhen” fare nga e drejta për të marrë ndihma sociale, shkruajnë mediat austriake dhe të tjera. Ndërsa shefi i partisë tjetër, ÖVP Reinhold Lopatka synon të prishë “parajsën sociale” të Vjenës, transmeton albinfo.ch. Përgjegjësja për punë sociale në qytetin e Vjenës, Wehsely, që vjen nga partia SPÖ, kërkon shpërndarjen më të mirë të azilkërkuesve në lande të ndryshme të vendit.

Është simptomatike se vetëm qyteti i Vjenës detyrohet të paguajë 550 milionë euro për 76.389 të huaj që përbëjnë raste sociale, e që janüe 42.87% e të gjithë personave me ndihma sociale.

Mirëpo, sipas burimeve nga qarqet qeveritare, azilkërkuesit nuk mund të dëbohen aq thjeshtë në republikat tjera pasi që ata tashmë kanë krijuar në Vjenë familjet dhe ambientet e tyre shoqërore, përcjell albinfo.ch. Edhe sot në Vjenë ka shpesh bastisje policore për t`i kthyer refugjatët në landet si Tiroli ose Vorarlbergu, ku u ishte caktuar vendi më parë dhe prej nga ata kanë ikur për t`iu bashkuar të afërmve të tyre në Vjenë.