Të rinjtë, borxh deri në fyt

Një komision i Këshillit Kombëtar u bën thirrje huadhënësve të shpenzojnë një pjesë të të ardhurave të tyre për parandalimin e financimit të fushatave kundër borxhit të të rinjve, njofton gazeta La Liberté. Paga e parë shumë shpesh shkon për blerjen e një makine me qira apo një mrekulli teknologjike që gjeneron borxhe të mëdha te të rinjtë. Ata gjenden shumë shpejt në një situatë me borxhe deri në fyt. Do të ishte e arsyeshme që këto institute kreditore të paguajnë pjesërisht dëmet.

“Një pjesë e të ardhurave të kazinos ndahen për programet për zbulimin e kumarxhinjve patologjikë. Pse nuk do të bënim të njëjtën gjë për kompanitë që japin kredi për konsumatorët”. Duke pasur parasysh pasojat dramatike të borxhit të tepruar të shkaktuar nga kreditë e vogla, këshilltari nacional, Hugh Hiltpold, Gjenevë (PLR) , konsideron që do të ishte etike të përgjegjësohen huadhënësit.

Komisioni për ekonomi dhe taksa i Këshillit Nacional pajtohet në parim. Ai ka vendosur dje me 12 vota, kundër 11, si dhe një abstenim për të ecur në këtë drejtim pas iniciativës parlamantare, e cila propozon t’iu kushtohet një pjesë e të ardhurave e këtyre instituteve kreditore për të financuar programet kombëtare për parandalimin e borxhit të të rinjve.