Vret veten në tren, para syve të udhëtarëve

Ai kishte derdhur benzinën mbi trup dhe pastaj ia kishte kthyer armën vetes

Një burrë 54 vjeçar nga Zvicra pasi i ka vënë zjarrin vetes, është vetëvrarë me armë zjarri. Kjo ka ndodhur në trenin që po qarkullonte nëpër tunelin Gotthard, para syve të një numri të udhëtarëve që ndodheshin në tren.

Kjo vetëvrasje misterioze ka ngjarë në mbrëmjen e të enjtes në trenin që shkonte në drejtim të Chuasos. Policia ndërkaq konsideron se vetëvrasësi, një zviceran nga Cyrihu, donte t`i vinte zjarrin trenit. Ai kishte derdhur benzinën mbi trup dhe pastaj ia kishte kthyer armën vetes.

Personi i vetëvrarë kishte pasur në bagazhin e tij disa kanistra me benzinë, kanë konstatuar hetuesit policorë.

Policia supozon se si motiv për vetëvrasjen të kenë qenë problemet e tij personale.