Fëmijët refugjatë zhduken nga kampet në Gjermani

Pothuajse 9 mijë fëmijë refugjatë u zhdukën në Gjermani në periudhën 1 janar deri 1 korrik të këtij viti. Sipas Policisë Federale
Gjermane, gjithsej 8991 fëmijë refugjatë u zhdukën në atë periudhë, përcjellalbinfo.ch.

Për krahasim, gjatë gjithë 2015 janë zhdukur dy herë më pak fëmijë refugjatë. Statistikat flasin për 4749, por ende nuk mund të jetë e saktë, sepse ka raste kur një fëmijë ka humbur, por duhet të shpallet i tillë nga kampe të ndryshme refugjatësh, ose me të dhëna pak më të ndryshme personale.

Sipas policisë, shumica janë zhdukur mes moshës 14 dhe 17 vjeç. Në shumicën e rasteve shpjegim i vetëm është se fëmijët e zhdukur lënë kampet e refugjatëve në Gjermani për të shkuar në një qytet tjetër gjerman apo evropian. Shpesh nuk ka asnjë informacion zyrtar nga të afërmit që marrin një fëmijë nga një kamp refugjatësh. Sipas Shoqatës Gjermane të të miturve refugjatë, shpesh shumë fëmijë refugjatë largohen vetë nga kampet e refugjatëve, për të kërkuar të afërmit e tyre apo për të kërkuar kushte më të mira të jetesës.