Calmy-Rey ia ndërpresin fjalimin ekstremistët

Presidentja u ofroi atyre që, nëse kishin diçka të thonin, të urdhëronin në foltore, e të flisnin. Asnjëri nuk pranoi

Presidentja e Zvicrës, njëherësh ministre e jashtme, Micheline Calmy-Rey u detyrua të ndërpriste fjalimin e saj të mbajtur në Cyrih, me rastin e Një majit, Ditës së Punës. Presidentes ia lanë fjalën në gyjsmë ekstremistët e majtë, të ashtuqiajturit pjesëtarë të „Bllokut të zi”.

Disa çaste pas fillimit të fjalimit të saj, në mes 150-200 aktivistë të lëvizjes së përmendur filluan të bënin zhurmë, duke penguar të pranishmit të dëgjonin fjalimin e saj festiv.  Ajo iu drejtua atyre që, nëse kishin diçka të thonin, le të urdhëronin në fopltore, e të flisnin, pasi që demokracia nënkupton edhe mospajtimin. Por asnjëri prej tyre nuk pranoi. Ata, me thirrje të zëshme dhe fishkëllima detyruan zonjën Rey të ndërpriste fjalën, njofton sf1.

Por, ndërprerja ishte e përkohshme, derisa u qetësuan gjakërat. Pastaj presidentja Calmy-Rey vazhdoi fjalën e saj festive kushtuar 1 majitt, para një publiku prej rreth dhjetë mijë vetash. Në fjalën e saj, ajo, veç tjerash u angazhua për më tepër barazi sociale në Zvicër.