Argjentinasja zgjidhet “Miss Kosova 2016”

Për herë të parë në historinë e miseve në Kosovë, kurorën e “Miss Kosova 2016” e ka fituar një vajzë nga një shtet tjetër. Është kjo Camila Barraza, vajza nga Argjentina, e cila sot triumfoi në mesin e 15 bukurosheve të tjera që ishin në garë për kurorën e më të bukurës së Kosovës. Barraza është 23-vjeçare nga Buenos Aires, ndërsa jeton dhe punon në Dubai.  Ajo është shprehur se do të bëjë çmos që Argjentina ta njohë shtetin e Kosovës.

Bukuroshja argjentinase do të përfaqësojë Kosovën në “Miss Univerese of the World” që do të mbahet në muajin janar të vitit 2017, raporton albinfo.ch.

Në spektaklin e bukurisë “Miss Kosova 2016” janë ndarë dy kurora dhe Kosova do të përfaqësohet në dy konkurset më të rëndësishme të bukurisë në botë.

Miss Earth është zgjedhur bukuroshja nga Gjakova, Andina Pura, e cila do të përfaqësojë Kosovën në “Miss Earth of the World”.