Thaçi: Rreth 700 milionë euro do të kushtojë autostrada

Kryeministri i Kosovës ka dhënë një shifër të përafërt të kostos së ndërtimit të Autostradës “Ibrahim Rugova” - Vërmicë-Merdar

Sipas Thaçit, ndërtimi i autostradës nga Shqipëria e deri në Serbi, do të kushtojnë rreth 700 milionë euro.Kryeministri i Kosovës ka thënë në seancën e Kuvendit se punimet për autostradën janë duke shkuar mire dhe se kontrata e Qeverisë me konsorciumin amerikano-turk “Bechtel & Enka” është kontrata më e madhe e nënshkruar ndonjë herë me kompani ndërkombëtare.Ishte planifikuar që deri më 30 tetor të këtij viti të përmbyllen 34 kilometrat e para, kurse tani ka konfirmim që nga puna e mirë që po bëhet dhe nga punës së kryer para afatit, më 30 tetor do të përmbyllen 38 kilometra të autostradës.