Maqedoni: Zyrtarisht fillon fushata parazgjedhore

Thirrje për sjellje korrekte zgjedhore dërguan SHBA-ja, BE-ja, NATO dhe OSBE-ja, si dhe më shumë organizata vendore dhe ndërkombëtare

Të dielën në mesnatë edhe zyrtarisht fillon fushata e partive politike dhe pjesëmarrësve tjerë në zgjedhjet e parakohshme parlamentare, që do të mbahen më 5 qershor, të cilat do të realizohen sipas modelit proporcional në Maqedoni, raporton REL.

Të gjitha partitë politike shqiptare janë deklaruar se fushata e tyre do të përqendrohet në elaborimin e programit të partisë, por kësaj radhe më shumë do të fokusohen në takimet ballë për ballë me qytetarët, për të bashkëbiseduar ndryshe nga praktika e mëparshme e organizimit të mitingjeve të mëdha.Partia shqiptare në opozitë edhe më tej shpreh shqetësimin për devalvalvimin e votës së lirë, andaj dhe kërkon nga përfaqësuesit ndërkombëtarë, që në zonat më problematike të kryhet monitorim më i ashpër.Me qëllim të procesit zgjedhor korrekt dhe demokratik, partitë politike javën e kaluar nënshkruan Kodeks të sjelljes gjatë zgjedhjeve parlamentare. Thirrje për sjellje korrekte zgjedhore dërguan SHBA-ja, BE-ja, NATO dhe OSBE-ja, si dhe më shumë përfaqësues dhe organizata vendore dhe ndërkombëtare. Zgjedhjet e 5 qershorit do të monitorohen nga 332 përfaqësues të Zyrës së OSBE-së për institucione demokratike dhe të drejtat e njeriut – ODIHR dhe 3.500 të tjerë nga Asociacioni qytetar MOST

Shqiptarët shtetas të Maqedonisë që jetojnë jashtë vendit të tyre për herë të parë do të kenë mundësi të votojnë në këto zgjedhje parlamentare të caktuara më 5 qershor.