Në Vaud bindshëm kundër deponisë nukleare

Kantoni Vaud është i pari ku, pas katastrofës bërthamore të Fukushimës, në Japoni, votohet për një çështje nukleare

Qytetarët me të drejtë vote në kantonin Vaud kanë hedhur poshtë në mënyrë bindëse vendosjen e një deponie të mbeturinave bërthamore në këtë kanton. Me Jo kanë votuar 64.85 për qind e pjesëmarrësve në votim dhe ky vendim tashmë shndërrohet në obligim për qeverinë e kantonit të cilin kjo e fundit duhet ta bartë në federatë.

Në votim kanë marrë pjesë 38 % shkruan swissinfo.ch.

Duke votuar kundër deponisë së materieve bërthamore, 95922 votuesit kanë ndjekur qëndrimin e partive të majta dhe të CVP-së në mbrojtje të ambientit. Këto parti, në kërkesën për deponi shohin synimin që të përgatitet terreni edhe për një central të ri atomik.

Kantoni Vaud është i pari ku, pas katastrofës bërthamore të Fukushimës, në Japoni, votohet për një çështje që ka të bëjë me energjinë nukleare.