Ibrahim Makolli, emërohet ministër i Diasporës

Kryeministri i Kosovë, Hashim Thaçi sot ka marrë vendimin që të emërojë ministër për dikasterin e themeluar javën e kaluar.

Ministër i Diasporës është emëruar Ibrahim Makolli, ushtues i detyrës së kryetarit të AKR-së, partisë pjesëmarrëse në koalicionin qeverisës me PDK-në.

“Në mbështetje të nenit 94 paragrafi 1 dhe 4 të Kushtetutës së Republikës së Kosovës, në pajtim me nenin 6 të Rregullores nr.02/2011 për fushat e përgjegjësisë administrative të Zyrës së Kryeministrit dhe të ministrive, dhe me qëllim të rritjes së performancës së Qeverisë së Republikës së Kosovës, Kryeministri i Republikës së Kosovës, Hashim Thaçi ka marrë vendim të emërojë z. Ibrahim Makolli, Ministër të Diasporës”, thuhet në njoftimin e Kryeministrisë.