Artistët takojnë futbollistët kosovarë në Shkodër

Aktorët e famshëm kosovarë kanë shprehur përkrahjen e tyre duke vizituar lojtarët në hotelin e tyre

“Bordi i bordeve” i përbërë nga aktorë e regjisorë kosovarë, që udhëtuan drejt Shkodrës për të përkrahur përfaqësuesen kosovare, është takuar me futbollistët e Kosovës, shkruan albinfo.ch.

Para takimit me Kroacinë në Grupin I kualifikues për Botërorin 2018, aktorët e famshëm kosovarë kanë shprehur përkrahjen e tyre duke vizituar lojtarët në hotelin e tyre.

Fotografi dhe video nga takimi ka publikuar ylli i Kosovës, Milot Rashica, në rrjetin ‘Snapchat’.

“Na keni bo me u dridh. Ju kemi lakmuar qysh na nuk jemi aty të luajmë me këmbët e me shpirtin tuaj”, thotë shkurt në një video, anëtari i “Stpucave”, Vedat Bajrami.

Kosova ballafaqohet sonte me Kroacinë në Shkodër, në takimin e parë si vendas në kualifikueset për Botërorin ‘Rusi 2018’.