Gjermania i kthen refugjatët në Austri

Ministri i Brendshëm austriak, Volfgang Sobotka, në një intervistë për agjencinë gjermane të lajmeve DPA tha se vetëm "këtë vit Gjermania ka rikthyer në Austri rreth 10.000 emigrantë"

KEYSTONE

Në gjashtë muajt e parë të këtij viti, autoritetet gjermane kanë kthyer përsëri në Austri 11 700 emigrantë, ndërsa kthimi ishte kryer në kufi. Për periudhën janar-korrik të këtij viti, policia gjermane nuk ka lejuar hyrjen e 11 700 emigrantëve në kufirin gjermano-austriak.

Informacioni u konfirmua zyrtarisht nga Ministria e Punëve të Brendshme e Gjermanisë për agjencinë e lajmeve shtetërore austriake APA, përcjell albinfo.ch.

Kështu kanë konfirmuar zyrtarisht dhe të dhënat e paraqitura nga ministri i Brendshëm austriak, Volfgang Sobotka, i cili pak ditë më parë, në një intervistë për agjencinë gjermane të lajmeve DPA tha se vetëm “këtë vit Gjermania ka rikthyer në Austri rreth 10.000 emigrantë”. “Ne i pranojmë ata përsëri, sepse i përmbahemi Marrëveshjes së Dublinit”, tha atëherë Sobotka.