40 vjet të të drejtës së votës për femrat

Presidentja e vendit, Calmy Rey ka nderuar gratë më të merituara, luftëtare për të drejtën e votës së femrave në kohë të ndryshme

Pikërisht në ditën e sotme, 40 vjet më parë, më 6 qershor 1971 gratë e Zvicrës kanë fituar për herë të parë të drejtën e votës. në përkujtim të kësaj ngjarjeje me rëndësi, sot është mbajtur një solemnitet në Bernë, ku kanë marrë pjesë të katër ministret e Qeverisë Federale: Micheline Calmy-Rey, Doris Leuthard, Simonnetta Sommaruga dhe Eveline Widmer-Schlumpf si dhe ministri i ekonomisë Johann Schneider-Ammann.

Kanë marrë pjesë edhe personalitete të tjera të rëndësishme nga jeta politike, shoqërore e ekonomike e vendit.

Me këtë rast presidentja e vendit, njëherësh ministre e jashtme Calmy Rey dhe kancelarja Corina Casanova kanë nderuar gratë më të merituara, luftëtare për të drejtën e votës së femrave në kohë të ndryshme.

Më 6 qershor 1971 përmes një referendumi popullor në nivel federal populli (atëbotë vetëm pjesa mashkullore sepse gratë ende nuk kishin të drejtë!) është përcaktuar me shumicë prej 65.7% për dhënien e të drejtë së femrave për të votuar dhe për të qenë të votuara.