Katër vendet që kanë më së shumti ari në botë

Katër vendet me rezervat më të mëdha të arit në botë janë SHBA (8133 tonë), Gjermania (3378 tonë), Italia dhe Franca me respektivisht 2451 dhe 2435 tonë

Rezervat totale të arit në të gjitha vendet e botës arrijnë në 32.977.7 tonë, sipas të dhënave nga fillimi i tetorit në Këshillin Botëror të Arit, përcjell albinfo.ch.

Bëhet fjalë për 170 tonë më shumë se 32.803 tonë në gusht, që kur ishin publikuar të dhënat e mëparshme. Vendet e eurozonës, duke përfshirë Bankën Qendrore Evropiane, posedojnë 10,786 tonë rezerva të arit.

Katër vendet me rezervat më të mëdha të arit në botë janë SHBA (8133 tonë), Gjermania (3378 tonë), Italia dhe Franca me respektivisht 2451 dhe 2435 tonë. Në total ata kanë 16,399 tonë, që përfaqësojnë gati gjysmën e rezervave të arit të të gjitha vendeve, duke përfshirë Bankën Qendrore Evropiane dhe Fondin Monetar Ndërkombëtar.
Top 10 pavarësisht blerjes masive nga Kina dhe Rusia, dy vendet vazhdojnë të zënë pozitën e pestë dhe të gjashtë në mesin e bartësve më të mëdhenj të arit, respektivisht në 1833 dhe 1526 tonë. Zvicra është vendi i shtatë dhe i fundit me mbi 1000 tonë ar.
Në Top 10 janë ende Japonia (762 tonë), Holanda (612 tonë) dhe India (557 tonë).