Dhuna ndaj nigerianit nxit kundërthëniet politike

Të majtët e quajnë aksion brutal ndërsa të djathtët konservativë, dhe në veçanti SVP/UDC - veprim normal dhe nuk duhet të problematizohet

Rasti i dhunës së ushtruar ndaj një azilkërkuesi nigerian në Aeroportin e Cyrihut, derisa po riatdhesohej të enjten që shkoi, ka ngjallur debat në qarqet e ndtyshme të politikës zvicerane.

Kështu, ndërkohë që politikanët e kampit të majtë dhe liberalët e djathtë e quajnë aksion brutal ndërhyrjen e policisë ndaj nigerianit, të djathtët konservativë, dhe në veçanti përfaqësues të SVP/UDC-së këmbëngulin që një veprim i tillë është normal dhe nuk duhet të problematizohet.

Deputeti i SVP-së Dominique Baettig ka thënë me këtë rast: nuk është normale që në Zvicër, delinkuentët me pikëpamje jorealiste mbi të drejtën, të fitojnë paprekshmërinë, sikur në asnjë vend tjetër. Unë besoj se populli nuk ka mirëkuptim nëse nuk dëbohen të huajt të cilët i plotësojnë kushtet për tu dëbuar”, shkruan news.search.ch.

Ndërsa deputeti nacional i Partisë së Gjelbër Liberale Daniel Vischer lidhur me këtë rast është shprehur se “ishte një aksion i shfrenuar brutal”