Euro në “rënie të lirë” në raport me frangun

Një euro kushton vetëm 1.1552 franga, duke shënuar kështu nivelin më të ulët në historinë e ekzistimit të saj

Euro në raport me frangun ka rënë në një pozitë tepër të ulët në bursat botërore. Aktualisht një euro kushton vetëm 1.1552 franga, duke shënuar kështu nivelin më të ulët në historinë e ekzistimit të saj. Por, edhe në këtë gjendje, vlera e euros po vazhdon të bjerë.

Të kujtojmë se të hënën euro kishte rënë nën vlerën 1.17 franga ndërsa brenda natës në vijim vlera e saj në bursa ka rënë edhe më tutje.

Në Azi frangu në raport me euron është 1.1664. Euro ka pësuar rënie së fundi edhe në raport me dollarin amerikan. Aktualisht një euro kushton 1.393 dollarë, dhe kjo është vlera më e ulët e euros në katër muajt e fundit, shkruan drs.ch.