Kërkohen reforma ligjore për bizneset në vend

Reformat ligjore dhe politikat ekonomike janë mangësitë që kanë dalë nga një hulumtim i USAID-it. Ky hulumtim ka nxjerr edhe mosbashkëpunimin e qeverisjes lokale me atë qendrore.

Drejtori i këtij projekti duke kërkuar që komunat të marrin parasysh kërkesat e udhëheqësve të bizneseve ka theksuar se të gjeturat e projektit tregojnë një situatë jo të mirë të bizneseve. Ministrja e Tregtisë dhe e Industrisë, Mimoza Kusari –Lila ka thënë se duhet të lëmë anash se kush e ka fajin për mos zhvillim të bizneseve. Kusari-Lila ka shtuar se reformat e biznesit duhet të nisin nga niveli qendror dhe të përfundojnë deri te zyrat komunale.

Ndërkaq në bazë të këtij hulumtimi komuna e Gjilanit, ajo e Hanit të Elezit dhe Mamushës janë shpallur komunat më të suksesshme në sferën e biznesit, për të cilat janë ndarë mirënjohje.