Beogradi, mund t’i bind serbët për komunë të re në veri

Shefi i Zyrës Civile Ndërkombëtare, Pieter Feith, ka pranuar se krijimi i  komunës në pjesën veriore të Mitrovicës nuk do të mund të realizohet pa përkrahjen e Beogradit.

Duke folur për sfidat e krijimit të komunës veriore, Feith është shprehur se vetëm Beogradi mund ta bindë komunitetin serb në veri që ta pranojë decentralizimin në atë anë.

Edhe zëvendëskryeministri Sllobodan Petroviq, njëherësh ministër i Ministrisë së Administrimit dhe Pushtetit Lokal, ka theksuar se ekipi përgatitor komunal i Mitrovicës është më i organizuar dhe po punon në mënyrë aktive për përmbushjen e objektivave e që është krijimi i komunës së re në atë pjesë.

Sipas tij, qytetarët serbë të pjesës veriore, po kundërshtojnë që të pranojnë këtë projekt i cili është paraparë edhe me pakon e ish-presidentit Martti Ahttisari.