Për 9 ditë janë futur në Kosovë 540 vetura të vjetra

Për 9 ditë nga heqja e akcizës për veturat më të vjetra se 8 vite, janë futur në Kosovë 540 vetura, ku për to është paguar bazë doganore në vlerë prej mbi 2 milion e 700 mijë euro raportojn mediat e vendit.

Sipas të dhënave të Doganave të Kosovës, vetëm brenda atyre 9 ditëve janë paguar rreth 342 mijë euro akcizë, ndërsa për TVSH janë paguar mbi 508 mijë euro.

“Sa i përket periudhës para se të hynte në fuqi regullorja e re e cila e lejon importin deri në 13 vite vjetërsi, importi javor i veturave ka qenë 250-300 vetura.”, kanë thënë zyrtarë të doganave.

Ky vendim kishte hyrë në fuqi nga 1 korriku i këtij viti për arsye të mbushjes së buxhetit ku ishte paraparë se me lejimin e futjes së veturave me vjetërsi deri në 13 vite, do të arrihet të mbushet buxheti i Kosovës edhe me 20 milion euro.