Era Istrefi dhe Dua Lipa, garojnë për të njëjtin çmim

Publiku ka mundësinë të votojë për tri këngët e preferuara deri më 23 dhjetor. Ceremonia e ndarjes së çmimeve do të zhvillohet në 11 janar 2017 në Groningen, si pjesë e “Eurosonic Noorderslagfestival”

Dy këngëtaret shqiptare, Era Istrefi dhe Dua Lipa pas sukseseve ku u zgjodhën si fituese ndër dhjetët çmimet të “European Border Breaker 2017”, tash janë në një garë edhe për çmimin e publikut që ndahet sërish nga EBBA Awards, shkruan albinfo.ch.

Publiku ka mundësinë të votojë për tri këngët e preferuara deri më 23 dhjetor. Ceremonia e ndarjes së çmimeve do të zhvillohet në 11 janar 2017 në Groningen, si pjesë e “Eurosonic Noorderslagfestival”.

Era Istrefi me këngën ‘Bon Bon’ theu të gjitha rekordet, duke fituar shumë çmime në Evropë, derisa ka marrë më shumë se 230 milionë klikime në ‘Youtube’, rekord për një artist shqiptar.

Dua Lipa, e cila jeton dhe krijon në Londër, gjithashtu ka shumë suksese në skenën evropiane, kurse me sukses është paraqitur edhe para publikut amerikan.

Çdo vit 10 artistë evropianë marrin çmimin EBBA për të njohur suksesin e tyre në vende të tjera, përveç vendit të tyre.

Më poshtë keni linkun për të votuar ku ju duhet të përzgjidhni tre artistë.

https://www.europeanborderbreakersawards.eu/en/vote/