Ligjëvënësit pritet të shkurtojnë pushimet

Ligjvënësit e Kosovës janë duke treguar gatishmëri që t’i shkurtojnë pushimet e verës, me synim të përmbushjes së obligimeve që kanë dalë nga Raporti i progresit i vitit 2010 dhe nga Dialogu i Procesit të Stabilizim – Asociimit, shkruan e përditshmja Koha Ditore.

Shefat e grupeve parlamentare tashmë janë pajtuar në parim, që pushimi rreth gjashtëjavësh i tyre të përgjysmohet në tri javë.

Sekretari i Kuvendit, Ismet Krasniqi, ka bërë të ditur se orientimisht pritet që deputetët të pushojnë nga 1 deri më 20 gusht.

Por, fjalën e fundit për pushimin e tyre ai ka thënë se do ta japë Kryesia e Kuvendit në mbledhjen e radhës që do ta mbajë me shefat e grupeve parlamentare.