Nis edicioni i dhjetë i “Dokufestit”

Ka nis edicioni i dhjetë i Festivalit Ndërkombëtar të Filmit Dokumentar dhe të Shkurtër, “Dokufest“. Numri dhjetë është kryesori në Prizren.

Flamuj të vendosur në gjithë qytetin, posterët e mëdhenj me domethënien e numrit 10 është fytyra e Prizrenit për gjatë gjithë felstivalit tashmë tradicional “Dokufest”.

E ceremonia ka qenë po ashtu e veçantë.  Një X i madh si sinonim i edicionit të dhjetë në ekran ka qëndruar vetëm disa sekonda përderisa organizatorët nuk i kanë rezervuar vetes ndonjë fjalim. Drejtorit ekzekutiv i festivalit, Aliriza Arenliu ka thënë se kjo është bërë me një qëllim.

“Po e festojmë dhjetë vjetorin dhe ky është një edicion jubilar. Prandaj kemi vendosur që të mos flasim fare organizatorët”, ka thënë Arelnliu.

Hapjen e festivalit duke u prezantuar me emrat e tyre e kanë bërë katër vullnetarë të festivalit të cilët pasi janë prezantuar kanë thënë se “Festivalin po e shpallim të hapur“.

Rendi i është lënë projeksioneve për çka edhe ekziston festivali. Filmit“Nostalgia for the Light“ me regji të Patricio Guzman ka qenë ai që është shfaqur i pari në këtë edicion.

Poashtu janë shfaqur edhe filmat “Bogota Change”, “Marathon Boy”, “The pipe”, “Detorit wild city” dhe “You don’t like the truth”.