Çmimet nuk kanë ndryshuar, mall ka me bollëk

Vendimi për ndalimin e mallrave nga Serbia në Kosovë nuk ka rezultuar me impakte negative për konsumatorët kosovarë. Çmimet vazhdojnë të jenë njësoj, përderisa mall ka me bollëk.

Rezultatet negative pritet të reflektohen në Serbi ku parashihen humbjet e milionave nga pamundësia e eksportit të mallrave të tyre në Kosovë, shkruajn mediat në Kosovë.

“Nuk është vërejtur asnjë impakt negativ te ne. Përkundrazi kemi shenja se prodhuesit tanë janë përgatitur të marrin vetën për tu ofruar konsumatorëve produkte me çmime edhe më të ulëta. Vendimi është në fuqi dhe do të jetë për masat e reciprocitetit”, ka thënë Bernard Nikaj këshilltar i ministres së Tregtisë dhe Industrisë, Mimoza Kusari-Lila, e cila në fillim të javës morri vendimin për vendosjen e masave të reciprocitetit për shtetet e CEFTA-së qe nuk i njohin vulat e Kosovës.