Nis tensionimi ne veri të Kosovës

Serbia ka kërkuar që të mblidhet urgjentisht Këshilli i Sigurimit i Kombeve të Bashkuara për të diskutuar për situatën në veri të Kosovës

Situata në veri të Mitrovicës ka nisur sërish të tensionohet, qindra serb kanë bllokuar rrugët që qojnë në pikat kufitare. Ata nuk po pranojnë që KFOR-i të bartë pjesëtaret e Policisë së Kosovës me helikopter. Këtë e ka konfirmuar shefi i ekipit negociator serb, Borko Stefanoviq sipas të cilit marrëveshja e arritur me KFOR-in ende nuk është përmbushur në tërësi.

Ai ka deklaruar se më kë veprim KFOR-i është duke e ndihmuar Policinë e Kosovë për t’i marrë pikat kufitare nën kontroll dhe për këtë ai i ka bërë thirrje KFOR-it të mos bëhet instrument i Prishtinës.

“Situata është shumë e rëndë, por shpresojmë që komandanti i KFOR-it do ta përmbush marrëveshjen. Duhet dhënë shansi komandantit të KFOR-it i cili aktualisht është duke diskutuar me telefon me zyrtarët e tjerë në Prishtinë”, ka thënë Stefanoviq.

Ai së bashku më Bogdanoviqin kanë pasur një takim me komandantin e KFOR-it, Erhard Buhler por takimi është ndërprerë për shkak të bisedave që sipas tij Buhler po i bënë me të tjerët.

Ndërkohë Serbia ka kërkuar që të mblidhet urgjentishtKëshilli i Sigurimit i Kombeve të Bashkuara për të diskutuar për situatën në veri të Kosovës. Për kërkesën në fjalë, Beogradi nuk ka marrë ende përgjigje, raportojnë mediat serbe.

Ministri i Jashtëm　serb,　Vuk　Jeremiq tha se Serbia　e sheh si të nevojshme një mbledhje　urgjente　të Këshillit të　Sigurimit në mënyrë që të　kuptohet se çfarë kishte ndodhur　në Kosovë dhe　për të mësuar se cila do të ishte　rruga për të shkuar përpara　për të ruajtur　paqen dhe stabilitetin në rajon.