Rritet në 12 numri i viktimave në Berlin

Fire fighters stand in front of a truck which ran into a crowded Christmas market killing several people Monday evening in Berlin, Germany, Tuesday, Dec. 20, 2016.(AP Photo/Markus Schreiber)

Gjermania është tronditur pas një sulmi me kamion në një treg krishtlindjesh në Berlin të hënën në mbrëmje. 12 të vdekur dhe 48 të plagosur, është bilanci i kësaj ngjarje të tmerrshme. 3 persona kanë vdekur në spital nga plagët që kanë marrë  ndërsa autori, me gjasë ishte refugjat i ardhur nga Pakistani në Gjermani në shkurtin e këtij viti, raportojnë mediat gjermane, përcjell albinfo.ch.

Ministri i Brendshëm gjerman, Thomas de Maiziere është shprehur se ka “shumë” të dhëna që flasin për sulm. “Nuk dua të flas për një atentat, por ka shumë të dhëna që flasin për këtë”, tha de Maiziere për televizionin ARD. “Aktualisht po marrim në pyetje një të dyshuar, tha ai “por tani jam mendje tek të afërmit e viktimave dhe të plagosurit e ngjarjes së tmerrshme.”

Sic raporton DW, kancelarja gjermane, Angela Merkel, e cila ka qenë që nga orët e mbrëmjes në kontakt të vazhdueshëm me ministrin e Brendshëm, sipas zëdhënësit, Steffen Seibert është shprehur me hidhërim për sulmin në Berlin dhe ka theksuar se “ne mbajmë zi për viktimat”.

Presidenti gjerman, Joachim Gauck e ka quajtur të hënën një “natë të rëndë për Berlinin”.