Nuk ka mungesë të produkteve në tregun e Kosovës

Konsumuesit e produkteve të Serbisë dhe tregtarët mund të thonë se ka ngritje të çmimeve të produkteve vendore, por kjo mbetet propagandë

Foto ilustrim

Në treg ende nuk ka filluar të ndjehet mungesë e produkteve, pas vendimit të Qeverisë së Kosovës për masat reciproke ndaj produkteve të Serbisë.

Kryetari i Aleancës Kosovare të Bizneseve Agim Shahini, ka theksuar se mallrat serbe ende gjenden në tregun kosovar.

Sipas tij, ngritja e çmimeve të produkteve ushqimore në tregun kosovar nuk ka ndodhur.

“Konsumuesit e mëdhenj të produkteve të Serbisë si dhe tregtarët, mund të thonë se ka ngritje të çmimeve të produkteve vendore, por kjo mbetet vetëm propagandë, realiteti qëndron ndryshe”, ka thënë Shahini.