21 ushtarë zviceranë në veriun e Kosovës

Komandanti i KFOR-it, gjenerali gjerman Bühler është bartur dje në veri me helikopterin e forcave zvicerane në Kosovë

Mediet zvicerane shkruajnë se në zonën e veriut të Kosovës, ku ditëve të fundit po mbretëron gjendje e nderë dhe me rrezik, aktualisht janë të pranishëm 21 ushtarë të Swiosscoy-t zviceran.

Ato saktësojnë më tutje se komandanti i KFOR-it, gjenerali gjerman Bühler është bartur dje në veri për të ndërmjetësuar në mes të palëve në konflikt, me helikopterin e forcave zvicerane në Kosovë.

Fluturimet me helikopterin në fjalë, kanë kaluar pa probleme, ka njoftuar një zëdhënës.

Zëdhënësi i Swisscoy-t, François Furer ka thüenë për mediet zvicerane se “asnjë nga ushtarët zviceranë nuk është përfshirë në të shtënat që kanë ndodhur dhe në zhvillime tjera të rrezikshme. Sipas Furer, dy xhenierë zviceranë që ishin të angazhuar në punë ndërtimore në veri, qysh të hënën janë kthyer në kampin e tyre në Casablanca të Suharekës.