Fshati gjerman po plaket, ftohen nga jashtë çiftet e reja me fëmijë

Dhe në faqen e internetit të Ambasadës Gjermane në Sarajevë, administrata e qytetit ka deklaruar se fshati Otenshtajn me të vërtetë dhuron parcela komunale për familjet e reja me fëmijë

Për shkak të plakjes së popullsisë, shumë vende më të vogla në Gjermani, duke përfshirë fshatin Otenshtajn në veri të vendit, janë përballur me një situatë që të mbyllin shkollat sepse nuk kanë nxënës të mjaftueshëm.

Prandaj, udhëheqësit e këtij fshati gjerman u bënë thirrje çifteve të reja me fëmijë të vendosen në këtë vend.

Siç shkruan “Financial Times”, autoritetet gjermane në dekadat e fundit janë duke  u angazhuar në mënyrë intensive për të tërhequr familjet e reja nga vendet e tjera për të zgjidhur problemin gjithnjë në rritje me plakjen, përcjell albinfo.ch.

Sipas të dhënave të fundit nga Kombet e Bashkuara, numri i banorëve në vend deri në vitin 2050 do të reduktohet në 74.5 milionë.

Përqindja e gjermanëve edhe 15 vjet mund të bjerë në 13 për qind. Numri i njerëzve të moshës mbi 60 vjeç, sipas vlerësimeve mund të rritet nga 27 në 39 për qind.

“Ndryshimi demografik është një nga sfidat më të mëdha të Gjermanisë”, tha në fillim të këtij viti Wolfgang Schäuble, ministër i financave.

Autoritetet gjermane besojnë se pranimi i çifteve të reja me fëmijë mund pjesërisht të zgjidh të paktën problemin e popullsisë gjithnjë e më të vjetër.

Dhe në faqen e internetit të Ambasadës Gjermane në Sarajevë, administrata e qytetit ka deklaruar se fshati Otenshtajn me të vërtetë dhuron parcela komunale për familjet e reja me fëmijë.

Në fund të fundit, ndërtimi i një shtëpie në Gjermani, si dhe kostoja e jetesës në përgjithësi nuk është e lirë. Në Otenshtajn dhe zonën përreth ka shumë vende të lira pune (p.sh. në fushën e kujdesit mjekësor, gastronomisë dhe zejtari).

Por këtu është edhe rregull që një leje pune mund të lëshohet vetëm nëse diploma e fituar në kualifikimet e kryera do të jetë e njohur në Gjermani. Shanse për një punë normale kanë vetëm personat që ka një njohuri të mirë të gjuhës gjermane.