Prishtina ndalon përdorimin e mjeteve piroteknike

Shpend Ahmeti ka nxjerr një “ferman” kundër ndezjes së mjeteve piroteknike. 100 euro gjobë kush ndezë mjete piroteknike në sheshet e Prishtinës  

Me urdhëresë të prefektit të Komunës, Shpend Ahmeti, Komuna e Prishtinës ka marrë vendim që të ndalojë përdorimin e produkteve piroteknike në vendet e hapura publike, përkatësisht në tregje, rrugë dhe sheshe. Ky vendim përfshinë periudhën 30 dhjetor 2016, deri më 3 janar 2017.

Në vendimin e Komunës së Prishtinës thuhet se personat të cilët veprojnë në kundërshtim me dispozitat e kësaj urdhërese do të gjobiten në shumë prej 100 euro.

Kjo është hera e katërt që Komuna e Prishtinës merre vendim për ndaljen e mjeteve piroteknike gjatë ditëve të fundvitit nëpër sheshet e kryeqytetit. Sipas përllogaritjeve, për çdo fundvit kosovarët shpenzojnë më shumë se 1 milion euro për blerjen e mjeteve piroteknike. Shitja e tyre tashmë është zyrtarizuar, duke i shitur në mes të sheshit.