Shpejt pritet ta ulë tatimin për lëndën e parë që importohet në Kosovë

Qeveria e Kosovës pritet që shumë shpejt ta ulë tatimin për lëndën së parë që importohet në Kosovë. Kjo ishte vetëm njëra ndër pikat lehtësuese që janë renditur në listën e Ministrit të Financave, Bedri Hamza, i cili në takimin e organizuar nga Oda Ekonomike e Kosovës me zyrtarë institucionesh dhe biznesmenë, ka premtuar se Qeveria e Kosovës do të ndjekë politika në të mirë të zhvillimit të biznesit në vend.

Bizneset do të lirohen nga TVSH-ja edhe në aspektin e ambalazheve, mjeteve kapitale, si dhe do të ulet norma e kamatës e cila aktualisht shkon deri në 18 për qind. Ndërsa drejtori i Doganave të Kosovës, Naim Huruglica, e ka quajtur këtë vit sfidues, marrë parasysh interesimin e qeverisë për rritje të buxhetit.

Biznesmenët e pranishëm ndonëse me vonesë, e mirëpritën këtë hap të ministrit Hamza.