Shkalla e papunësisë në Gjermani, më e ulëta në 25 vitet e fundit

Sipas të dhënave që ofron Zyra Federale e Punës, Gjermania, vitin 2016 e ka përmbyllur me 2.691 milionë të papunë, shifër kjo që është për 104 mijë më pak se në fund të vitit 2015.

Numri i personave që janë të regjistruar si të papunë, në vitin 2016 ka qenë më i ulëti në 25 vitet e fundit. Ky numër, për herë të parë që nga viti 1991, për herë të parë vitin që shkoi ka rënë nën 2. 7 milionë, bën të ditur Zyra Federale e Punës në Nürnberg.

Sipas të dhënave që ofron kjo zyrë, Gjermania, vitin 2016 e ka përmbyllur me 2.691 milionë të papunë, shifër kjo që është për 104 mijë më pak se në fund të vitit 2015.

Edhe në raport me sezonet e vitit, gjatë dhjetorit të vitit që shkoi, papunësia ka treguar trend të volitshëm. Në dhjetor, numri i gjermanëve të regjistruar si të papunë u rrit për 36 mijë, duke arritur në 2.568 milionë, dhe, kthyer në përqindje u ngjit në 5.1%. Por nëse  “pastrohet” nga lëkundjet sezonale të zakonshme,  del se numri i të papunëve ka rënë për 17.000 veta.