Eliza Dushku bëhet me shtetësi shqiptare

Presidenti i Shqipërisë, Bamir Topi nënshkroi sot dekretin për dhënien e shtetësisë shqiptare, aktores Eliza Dushkut.

“Ju jeni tashmë imazhi i mirë i shqiptarëve që punoni për Shqipërinë’, iu drejtua presidenti shqiptar të pranishmëve në një takim sot me Eliza Dushku, raportojnë mediet në Tiranë.

“Janë pikërisht këto arsye që me t’u informuar për kërkesën e zonjës Dushku për marrjen e shtetësisë shqiptare, në përmbushje të një detyrimi institucional, por në radhë të parë, të një frymëzimi personal, nënshkrova dekretin për dhënien e shtetësisë shqiptare Eliza Dushkut”, u shpreh Bamir Topi.

Nga ana e saj Eliza jo vetëm shprehu mirënjohjen për këtë vendim të Presidentit, por i dëshmoi atij se ajo ndjehej shqiptare prej vitesh, madje për këtë kishte bërë dhe një tatuazh me simbolin e flamurit shqiptar në qafë.

Ne takimet zyrtare të këtyre diteve në Tiranë u vu re një stil tjeter i Elizes.

Aktorja po perdor veshje shume serioze, ndryshe nga ajo që e kemi parë në fotografitë në Hollivud, ku ajo paraqitet me stil shumë ndryshe.