Westerwelle:Nuk ka bisedime për ndryshim kufijsh

Ministri i Jashtëm gjerman, Guido Westerwelle, ka deklaruar se Gjermania nuk do të negociojë për ndryshimin e kufijve në Ballkan

“Rruga në Bashkimin Evropian shkon përmes demokracisë, reformave, bashkëpunimit dhe zgjidhjes paqësore të të gjitha konflikteve”, ka deklaruar Westerwelle.

Në këtë kontekst, kemi besim të plotë në qasjen konstruktive të Malit të Zi ndaj Kosovës. Ka vetëm një mënyrë për t’i zgjidhur konfliktet dhe ajo është dialogu”, ka thënë Westerwelle.

Sipas tij integriteti territorial i vendeve të rajonit është diçka për të cilën Gjermania nuk do të negociojë.

Shefi i diplomacisë gjermane në Podgoricë u takuar me kryeministrin malazez Igor Lukshiq.

Kryeministri malazez ka deklaruar se Podgorica ka pasur gjithmonë qëndrim të përgjegjshëm ndaj Kosovës dhe se të njëjtin mban edhe pas krizës në veri.

Me vizitën në Podgoricë, Westerwelle ka nisur turnuen në rajon që përfshin dhe Kroacinë e Kosovën.