320 mijë kërkesa azili vitin e kaluar në Gjermani

Numri i kërkesave për azil në Gjermani, në vitin 2016, ka shënuar rënie të dukshme në krahasim me vitin e kaluar. Në të njëjtën kohë është reduktuar numri i arrestimeve në vend për trafikimin e qenieve njerëzore, njoftoi DPA, duke cituar gazetën “Welt am Sonntag”, përcjell albinfo.ch.

Rreth 321.000 njerëz kanë shprehur interesin për marrjen e azilit në vend në vitin 2016, derisa numri i kërkesave mujore ka rënë gjatë gjithë vitit – nga 91. 671 në janar, në 16. 441 në dhjetor, sipas Zyrës Federale për Migracionin dhe Refugjatët.

Në vitin 2015 në Gjermani arritën rreth 890 mijë azilkërkues.

Sipas Ministrisë së Brendshme, në vitin 2016 rreth 900 persona janë arrestuar në vend për kontrabandë të njerëzve, një rënie e ndjeshme në krahasim me 2015-ën, kur ishin raportuar  3.370 raste të tilla.