Një nënë mbyt vajzën dhe bën vetëvrasje

Të  premten në Romanel-sur-Lausanne (VD), një nënë pa një të kaluar të veçantë ka vrarë vajzën e saj 9-vjeçare, para se të bëjë vetëvrasje.

“Nuk jam aspak mirë me kokë, nuk jam në gjendje të rifilloj punën menjëherë”. Caterina M. * ishte në pushim mjekësor për “Burnout” (krizë shpirtërore, konsultoni broshurat tona në gjuhen shqipe) që nga mesi i korrikut. Këto ishin fjalët e fundit të dërguara  përmes e-mailit shefit të saj, Jean-Michel Vittoz. Ajo tregonte se gjendja e saj ishte përkeqësuar deri në atë pikë sa që është detyruar të konsultojë një psikiatër. Pronari i tregtisë së drurit, ku ajo ka punuar për gjashtë vjet me radhë, është në shok. Të nesërmen, bashkëpunëtorja e tij, 44-vjeçare,  pas vrasjes së vajzës më të re, Liza 9-vjeçare, bën vetëvrasje në banesën e tyre familjare në Romanel-sur-Lozanë (VAUD).

Burri i saj, Herve, ka gjetur trupat e pajetë në orën 17:30. Burri, i punësuar si kuadër në një kompani të energjisë, është tani më i mbështetur nga psikologët. Sipas të përditshmes “BLICK”, vajza e madhe Leah (12-vjeçare) ka mësuar  për vdekjen e nënës dhe motrës të shtunën, ndërsa kthehej nga pushimet verore. “Ato kanë rënë në gjumë përgjithmonë”,  thuhet që babai i ka thënë vajzës së tronditur.