Komedia “një shfaqje teatri me 4 aktorë…” do të shfaqet në Zvicër

“Ky është një rast i mirë për publikun në Zvicër të shohin një komedi fantastike”, thuhet në njoftimin për media

Komedia kosovare “një shfaqje teatri me 4 aktorë do të shfaqet para publikut në Bern të Zvicrës, në teatrin Schlachthaus, me datat 20, 21 dhe 22 janar, raporton albinfo.ch.

Në këtë komedi luajnë aktorët Adrian Morina, Ernest Malazogu, Shengyl Ismaili, Shpëtim Selmani, si dhe dy muzicientët Art Lokaj e Drin Tashi, kurse tekstin e ka shkruar Jeton Neziraj, derisa regjinë e ka bërë Blerta Neziraj.

Shfaqja është realizuar nga Qendra Multimedia, e cila në teatrin Schlachthaus të Bernit ka shfaqur para dy vitesh edhe komedinë “Fluturimi mbi teatrin e Kosovës”.

“Ky është një rast i mirë për publikun në Zvicër të shohin një komedi fantastike”, thuhet në njoftimin për media të prodhuesit të shfaqjes.

Muzikën e shfaqjes e ka komponuar Gabriele Marangoni, koreografinë Adrienne Hart, skenografinë Petra Veber, kostumet Vesa Kraja, dizajnin e dritave Radomir Stamenkoviq, ass. Regjisore Enkeleda Simitxhiu Arifi, menaxhere skene Lendita Idrizi, ass. e produksionit Sophia Sinani, udhëheqës teknik Denis Berisha, dritat Mursel Bekteshi e Denis Berisha, fjalët Jeton Neziraj.