Mallrat serbe hyjnë rrugëve alternative në veri

Barrikada në Rudare afër Zveçanit vazhdon të qëndrojë, ndërkohë që ende nuk dihet kur do të largohet nga aty, në mënyrë që të zhbllokohet rruga që çon nga Mitrovica në drejtim të pikës kufitare Jarinje.

Raportohet se një numër serbësh vazhdojnë të respektojnë orarin e qëndrimit tek kjo barrikadë dhe ata ndërrohen çdo katër orë.

Disa prej tyre vëzhgojnë qarkullimin e automjeteve edhe në pikat tjera ku kishte të vendosura barrikada më parë.

Gjithashtu raportohet se dyqanet tregtare në veri të Mitrovicës janë të furnizuara me mallra nga Serbia dhe nuk vërehet mungesa e tyre.

Këto mallra po hyjnë në Kosovë rrugëve alternative.