Armatosen policët hekurudhor

Policët hekurudhor mund të bartin armë. Kështu ka vendosur Këshilli Federal.  Një vendim i tillë do të do të hyjë në fuqi prej fillimit të tetorit të këtij viti.

Punëtorët e sigurimit në stacione trenash, në përputhje me ligjin nuk do t’i kenë përgjegjësitë e njëjta sikur policia e transportit.

Ata nuk mund të arrestojnë askënd. Ata do të vazhdojnë të mbajnë sërish të njëjtat pajisje të sigurisë si:prangat, sprey, shkopinj apo edhe qentë e policisë.

Armët do ti përdorin vetëm në raste të veçanta.

Si do që të jetë, personeli i sigurisë së stacioneve të hekurudhave , do t‘i nënshtrohet  trajnimeve nëpër akademitë policore.

Viteve të fundit ishte në rritje dhuna nëpër stacione hekurudhash në Zvicër, shkruan në legjislacionin e Këshillit Federal duke justifikuar vendimin e marrë.

Këta të fundit e kanë marrë këtë vendim në bashkëpunim me sindikatën e policisë hekurudhore dhe me drejtorët e policive kantonale.

“Pajisja e policisë së transportit është për t’u përshëndetur sepse ata shpesh do të bashkëpunojnë me policinë“, tha zëdhënësi i policisë kantonale, Reto Kormann.

BLS vazhdon të kundërshtoj përdorimin e armëve  në trenat e tyre.

Sipas zëdhënësit, Michael Blum, personeli i sigurisë është trajnuar në mënyrë adekuate në BLS, dhe kanë pajisje tjera alternative. Çështja e armëve ishte diskutuar gjatë kohë në parlamentin zviceran për ta deleguar vendimin në Këshillin Federal.