Alarmohen austriakët për sulme terroriste

Ministri i Brendshëm i Austrisë, Wolfgang Sobotka, ka thënë se sulmi ishte në fazën e planifikimit. Nuk është bërë e ditur nëse është gjetur eksplozivi apo jo

Pas arrestimit të 17-vjeçarit shqiptar të premten mbrëma në Vjenë, aksionet e policisë nuk e kanë ndërmend të ndalen. Ata janë të shqetësuar për përkrahësit e Shtetit Islamik në këtë vend, shkruan ‘kurier.at’, përcjell albinfo.ch.

Sipas mediave austriake, shqiptari u arrestua pasi planifikonte një sulm terrorist në metronë e kryeqytetit austriak, derisa hetimet janë duke vazhduar.

Por, më pas në Gjermani, përkatësisht në Neuss u arrestuar një 21-vjeçar si bashkëpunëtor i shqiptarit.

Rasti më i rëndë, duket i 12-vjeçarit, i cili po mbahet në pyetje nga policia austriake. Për të thuhet se është përkrahës i Shtetit Islamik. Për shkak të moshës, ai nuk mund të arrestohet, megjithatë, kjo ka alarmuar austriakët për sulmet e mundshme terroriste.

Ministri i Brendshëm i Austrisë, Wolfgang Sobotka, ka thënë se sulmi ishte në fazën e planifikimit. Gjithashtu nuk është bërë e ditur nëse është gjetur eksplozivi apo jo, dhe të gjitha këto informacione janë shumë ‘të fshehta’.

Aksioni kundër tyre po vazhdon në Austri, që janë të alarmuar për sulmet e mundshme terroriste.